TDT tərəfindən illik Diaspor Birgə Fəaliyyət Planı layihəsi hazırlanır
Bakı, 21 dekabr, AZƏRTAC
“Türk dünyası 2040 vizyonu” çərçivəsində hazırlanan, qısamüddətli addımlarımızı əhatə edən “2022-2026 Strategiya Sənədi”miz var. Bu və daha əvvəlki toplantılarda qəbul etdiyimiz qərarlar çərçivəsində biz illik Diaspor Birgə Fəaliyyət Planı layihəsini hazırlayırıq.
AZƏRTAC xəbər verir ki, bunu dekabrın 21-də Şuşada keçirilən Diaspor Məsələlərinə məsul Dövlət Qurumları Rəhbərlərinin Beynəlxalq Bakı-Şuşa Forumunda Türk Dövlətləri Təşkilatının layihə direktoru Ali Çivilər söyləyib.
O bildirib ki, birgə fəaliyyət planının layihəsi təşkilata üzv ölkələrin Xarici İşlər nazirliklərinə və diaspor təşkilatlarına göndərilir, mümkün olduğu təqdirdə, işçi qrupları və liderlər arasında keçirilən tədbirlərdə müzakirə edilir.
Bölmənin digər xəbərləri
