Ted Volters: NATO Azərbaycanın Əfqanıstanda “Qətiyyətli dəstək” missiyasına verdiyi töhfəni yüksək qiymətləndirir
Bakı, 6 fevral, AZƏRTAC
Əfqanıstanda “Qətiyyətli dəstək” missiyasına verdiyiniz töhfənin davam etdirilməsi, əsgərlərinizin orada müşahidə etdiyimiz xidməti tərəfimizdən yüksək qiymətləndirilir.
AZƏRTAC xəbər verir ki, bunu NATO Müttəfiq Qüvvələrinin Avropadakı Ali Komandanı Tod Volters fevralın 6-da Azərbaycan Respublikasının Prezidenti İlham Əliyev ilə görüşdə deyib.
Təhlükəsizlik və sülh məsələlərində aparıcı mövqeyinə görə dövlətimizin başçısını və ölkəmizi təqdir etdiyini vurğulayan T.Volters bildirib: “Biz xalqınızı və ordunuzu bütün etdiklərinizə görə təqdir edirik. Bu, Əfqanıstan sərhədlərinin xaricindən terror dəstələrinin ölkəyə daxil olmasının qarşısını almaqda bizim səylərimizə çox böyük təsir göstərir. Hesab edirəm ki, missiya yaxşı fəaliyyət göstərməyə davam edir və Sizin əsgərləriniz bu missiyanın böyük bir tərkib hissəsidir”.
Bölmənin digər xəbərləri
