Təhsil Nazirliyi: Məktəblilərimiz onlayn beynəlxalq gənclər festivalında qalib olub
Bakı, 25 may, AZƏRTAC
Qazaxıstanın Almatı şəhərində məktəblilər arasında “IT Stars 2021” II onlayn beynəlxalq gənclər festivalı keçirilib. Festivala Azərbaycan, Qazaxıstan, Rusiya, Belarus və Qırğızıstandan ümumilikdə 420 məktəbli qatılıb.
Təhsil Nazirliyindən AZƏRTAC-a bildirilib ki, ölkəmizi yarışmada 25 məktəbli təmsil edib. Onların arasından 3 nömrəli Uşaq-Gənclər İnkişaf Mərkəzinin 4 dərnək üzvü “Proqramlaşdırma”, “Şən və hazırcavablar”, “Kompüterdə sürətli yazı”, “Məni təəccübləndir” nominasiyaları üzrə qalib olub.
Qaliblər təşkilatçılar tərəfindən diplomlarla təltif edilib.
Bölmənin digər xəbərləri
