“TƏHSİLDƏ TƏRƏFDAŞLIQ” PROQRAMININ AZƏRBAYCANLI MƏZUNLARI VAŞİNQTONDA MƏRUZƏ İLƏ ÇIXIŞ ETMİŞLƏR
Amerika Təhsil Şurasının prezidenti Dən Deyvidson azərbaycanlı məzunların məruzələrindən məmnun qalmışdır. O bildirmişdir ki, sovet dövründə Azərbaycanın təhsil sistemində çox böyük nailliyyətlər olsa da, XXI əsrin texnoloji nəbzini tutmaq üçün yeni biliklər, yeni qabiliyyətlər lazımdır. Məhz bunun üçün Şura Azərbaycanın Təhsil Nazirliyi ilə əməkdaşlıq edərək, təhsil sistemində sosioloji elmlər, kompyuter, xarici dillərin tədrisini gücləndirməyə çalışır. Dən Deyvidson demişdir: “Bu sahə, təbii ki, böyük sərmayə tələb edir. Gənc müəllimlərə, dərsliklərə, məktəblərin inkişafına qoyulan sərmayənin nəticələri özünü uzun müddətdən sonra büruzə versə də, gələcək nəsil üçün vacibdir. Azərbaycan hökuməti bunu gözəl anlayır. Sizin hökumətin təhsilin inkişafına ayırdığı sərmayələr diqqətəlayiqdir”.
Bölmənin digər xəbərləri
