Tələbə qəbulunun I mərhələsində müraciət edənlərin sayı 36 mini ötüb
Bakı, 12 avqust, AZƏRTAC
2025/2026-ci tədris ili üçün peşə təhsili müəssisələrinə tələbə qəbulu prosesinin I mərhələsinə yekun vurulub.
Peşə Təhsili üzrə Dövlət Agentliyindən AZƏRTAC-a bildirilib ki, iyulun 22-dən avqustun 11-dək 36 min 278 nəfərdən 123 min 930 müraciət daxil olub.
Peşə təhsili almaq istəyən şəxslər əsasən İKT, turizm, sənaye, kənd təsərrüfatı və iaşə istiqamətlərində olan ixtisasları seçməyə üstünlük veriblər.
Müsabiqənin nəticələrinin avqustun 16-da elan olunması nəzərdə tutulur. Nəticələr müraciətçilərə SMS vasitəsilə təqdim edilməklə yanaşı, “Şəxsi kabinet” bölməsində də yer alacaq.
Peşə təhsili pilləsi üzrə boş qalmış plan yerlərinə tələbə qəbulunun II mərhələsinin avqustun 26-dan sentyabrın 2-dək aparılması planlaşdırılır.
Bölmənin digər xəbərləri
