TERRORİSTLƏR EL-XUBAR ŞƏHƏRİNDƏ 22 NƏFƏRİ QƏTLƏ YETİRMİŞLƏR
İTAR-TASS agentliyindən AZƏRTAC-a daxil olan xəbərdə deyilir ki, Səudiyyə Ərəbistanının Daxili İşlər Nazirliyi terroristlərin El-Xubar şəhərində qanlı qətl hadisəsi törətdiklərini, şənbə günündən bəri onlarla girov saxladıqlarını və 22 nəfərin həlak olduğunu bildirmişdir. Onların arasında ABŞ, Böyük Britaniya, İtaliya,Hindistan, Filippin,İsveç və Misir vətəndaşı da vardır. DİN-in bəyanatında 25 nəfərin yaralanması barədə də məlumat verilir. Beynəlxalq terrorist şəbəkəsi olan “Əl-Qaidə” isə öz növbəsində bəyan etmişdir ki, onun yaraqlıları bir neçə əcnəbi girovu öldürmüşdür.
Nazirlik girovların azad edilməsilə əlaqədar aparılan əməliyyatlar nəticəsində terroristlərin axtarışda olan başçısının həbs edildiyini, eyni zamanda 3-4 yaraqlının gizlənməyə imkan tapdığını da bildiqmişdir.
Bölmənin digər xəbərləri
