“The Hill”: Bayden seçkiqabağı kampaniya üçün ikinci rübdə 72 milyon dollar ianə toplayıb
Bakı, 16 iyul, AZƏRTAC
ABŞ Prezidenti Co Bayden seçkiqabağı kampaniyanın keçirilməsi üçün 72 milyon dollara yaxın ianə toplayıb. Bu barədə “The Hill” qəzeti məlumat yayıb.
AZƏRTAC xarici KİV-ə istinadla xəbər verir ki, Bayden hesabat dövründə yığılmış vəsaitə görə ABŞ seçkiqabağı yürüşünün ən uğurlu iştirakçısıdır. Demokratların seçki qərargahında, son hesablamalara görə, ümumilikdə 77 milyon dollar var.
Prezident kürsüsünə yenidən keçməyə cəhd edən Donald Tramp ikinci rübdə kampaniya üçün 35 milyon dollar, birinci rübdə təqribən 18 milyon dollar toplayıb. Onun kimi gələn il Respublikaçılar partiyasından namizədliyini irəli sürən Florida qubernatoru Ron Desantis ikinci rübdə 20 milyon dollar ianə toplayıb.
Bölmənin digər xəbərləri
