TOVUZ RABİTƏÇİLƏRİ PROQNOZ PLAN VƏ TAPŞIRIQLARI ARTIQLAMASI İLƏ YERİNƏ YETİRİBLƏR

28.12.2003 [17:52]
Çap et
A⁺ A^-

Tovuz telekommunikasiya qovşağının kollektivi 2003-cü ilin telefon çəkilişi və tarif gəliri proqnoz planını 100,9 faiz yerinə yetirmişdir. Belə ki, 444 əvəzinə 549 ədəd yeni telefon çəkilmiş və 1320 milyon manat əvəzinə 1431 milyon manat tarif gəliri əldə edilmişdir.

Tovuz telekommunikasiya qovşağının rəisi Bakir Bayramov AZƏRTAC-ın müxbirinə bildirmişdir ki, qovşaq tərəfindən Yuxarı Öysüzlü ATS-i yenidən qurulmuş və gücü 200 nömrə artırılmışdır. Əsrik, Sarıtala, Vahidli, Nülkülü kənd ATS-lərində NAT avadanlığı quraşdırılaraq, beynəlxalq rabitəyə çıxış təşkil edilmişdir. Əhaliyə göstərilən rabitə xidmətini yaxşılaşdırmaq üçün Yuxarı Öysüzlü, İbrahim Hacılı kəndlərində dizel yanacağı ilə işləyən generator quraşdırılmışdır. Bundan əlavə, müharibə vaxtı Əlibəyli kəndində sıradan çıxmış 40 nömrə bərpa edilərək əhalinin istifadəsinə verilmişdir.

TOVUZ RABİTƏÇİLƏRİ PROQNOZ PLAN VƏ TAPŞIRIQLARI ARTIQLAMASI İLƏ YERİNƏ YETİRİBLƏR

MÜƏLLİFLƏ ƏLAQƏ

Bölmənin digər xəbərləri