TOVUZLULAR HEYDƏR ƏLİYEVİN ADININ ƏBƏDİLƏŞDİRİLMƏSİNİ ARZU EDİRLƏR

29.12.2003 [13:10]
Çap et
A⁺ A^-

Ümummilli liderimiz Heydər Əliyevin adının əbədiləşdirilməsi məqsədi ilə Tovuz rayonu idarə və müəssisələrinin kollektivləri, ictimaiyyətinin nümayəndələri, ayrı-ayrı vətəndaşlar rayon icra hakimiyyətinə müraciət edərək, onların təşəbbüslərini Dövlət Komissiyasına göndərməyi xahiş etmişlər.

Tovuz Rayon İcra Hakimiyyətindən AZƏRTAC-ın müxbirinə bildirmişlər ki, əhalinin çoxsaylı təkliflərini nəzərə alaraq, Tovuz şəhərinə Heydər Əliyevin adının verilməsi barədə Dövlət Komissiyasına müraciət olunmuşdur. Bundan əlavə, rayonun ərazisində Kür çayı üzərində dahi rəhbərin 1980-ci ildə saldırdığı, xalq arasında “Heydər körpüsü” adlanan körpüyə, Tovuz çayı üzərində, Bakı-Qazax magistralında olan 160 metr uzunluğundakı möhtəşəm körpüyə də Heydər Əliyevin adı verilməsi və rayonun baş meydanında Heydər Əliyevin heykəlinin qoyulması, həmin meydanın Heydər Əliyev meydanı adlandırılması da Dövlət Komissiyasından xahiş edilmişdir. Əhalinin ümummilli liderimizin respublika üzrə adının əbədiləşdirilməsinə dair təklifləri də Dövlət Komissiyasına göndərilmişdir.

TOVUZLULAR HEYDƏR ƏLİYEVİN ADININ ƏBƏDİLƏŞDİRİLMƏSİNİ ARZU EDİRLƏR

MÜƏLLİFLƏ ƏLAQƏ

Bölmənin digər xəbərləri