Trampın sabiq siyasi strateqi onu İrana hücumdan çəkindirməyə çalışır
Bakı, 19 iyun, AZƏRTAC
İranda potensial hərbi əməliyyat ABŞ üçün 2003-cü ildə İraqın işğalı qədər ağrılı ola bilər.
AZƏRTAC xəbər verir ki, ABŞ Prezidenti Donald Trampın sabiq baş siyasi strateqi və Birləşmiş Ştatların ən mühafizəkar “War Room” podkastının aparıcısı Stiv Bannon bu fikri Vaşinqtonda jurnalistlərlə söhbətində səsləndirib. Trampın digər tanınmış Respublikaçı tərəfdarları da Birləşmiş Ştatların Yaxın Şərqdə daha bir uzun sürən müharibəyə cəlb olunacağından ehtiyatlanırlar.
Analitiklərin fikrincə, tərəfdarları arasında narazılıq Donald Trampın populyarlığına xələl gətirə və gələn il keçiriləcək aralıq seçkilərdə Respublikaçıların Konqresə nəzarətinə təsir göstərə bilər.
Qeyd edək ki, bir müddət öncə “Bloomberg” agentliyi ABŞ-ın yaxın günlərdə İrana mümkün zərbə vurmağa hazırlaşdığı, lakin planların dəyişə biləcəyi barədə məlumat yayıb. “The Wall Street Journal” qəzeti isə öz növbəsində Donald Trampın İrana hücum planını təsdiqlədiyini, lakin Tehranın nüvə proqramından əl çəkəcəyini gözlədiyi üçün onun həyata keçirilməsi əmrini vermədiyini iddia edib.
Bölmənin digər xəbərləri
