Türkiyə Çövkən Federasiyasının prezidenti: Azərbaycan MDB Oyunlarına yüksək səviyyədə ev sahibliyi edir VİDEO
Qəbələ, 2 oktyabr, AZƏRTAC
Azərbaycanla birlikdə Türkiyədə çövkənin inkişafı üçün çoxlu işlər görürük.
AZƏRTAC xəbər verir ki, bu sözləri Türkiyənin Çövkən Federasiyasının prezidenti Fatih Köşe Azərbaycanın ilk dəfə ev sahibliyi etdiyi III MDB Oyunları barədə jurnalistlərə açıqlamasında deyib.
O, ilk dəfə MDB Oyunlarında iştirak etdiklərini xatırladıb: “Bunun qardaş ölkədə reallaşması olduqca xüsusi hadisədir. Bu idman növünün bütün dünyada inkişafını arzulayırıq. Çövkən idman növü olmaqla yanaşı, türk xalqlarının qədim tarixini özündə təcəssüm etdirir. Təbii ki, bu cür çövkən yarışları türk xalqları arasındakı münasibəti daha da təkmilləşdirir”.
Federasiya rəhbəri Azərbaycanın Oyunlara yüksək səviyyədə ev sahibliyi etdiyini bildirib: “Oyunu izləməyə gələn tamaşaçıların dəstəyini hiss edirik. Onlar bizə evimizdəki kimi hiss etdirirlər. Hər birinə təşəkkür edirik”.
Bölmənin digər xəbərləri
