Türkiyə hakimiyyəti il ərzində 300 mindən çox xarici vətəndaşa iş icazəsi verib
Ankara, 2 aprel, AZƏRTAC
Türkiyənin Əmək və Sosial Təhlükəsizlik Nazirliyi 2024-cü il ərzində 300 851 xarici vətəndaşa əmək fəaliyyəti üçün icazə verib.
AZƏRTAC xəbər verir ki, ümumilikdə, qurumun ünvanına 381 mindən çox müraciət daxil olub, onların da əksər hissəsinə müsbət cavab verilib.
Türkiyədə ən çox iş icazəsi verilənlər arasında ilk yeri Suriya vətəndaşları tutur. Türkmənistan, Rusiya, Özbəkistan, İran, Əfqanıstan, Azərbaycan, İndoneziya, Hindistan və İraq vətəndaşlarından da çoxlu sayda müraciət daxil olub.
Xarici vətəndaşlar daha çox emal sənayesi sahəsində iş icazəsi üçün müraciət ediblər. Bundan başqa, tikinti sektoru, topdan və pərakəndə ticarət, məişət xidmətləri və s. sahələrdə iş icazəsi üçün müraciətlər olunub.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
