Türkiyə millisinin on iki oyunluq məğlubiyyətsiz seriyası
Bakı, 29 mart, AZƏRTAC
Futbol üzrə Avropa çempionatının final mərhələsində iştirak edəcək Türkiyə millisi bu gün səfərdə Avstriya yığması ilə yoldaşlıq matçında qüvvəsini sınayacaq.
AZƏRTAC Türkiyə mətbuatına istinadla xəbər verir ki, “Avro-2016”nın seçmə mərhələsinə zəif start verən “ay-ulduzlular” son vaxtlar forma yığmaqla Avropa mətbuatının diqqətini çəkib. Belə ki, qardaş ölkənin milli komandası son on iki oyundur rəqiblərinə məğlub olmur. On iki matçın doqquzunu qalibiyyətlə başa vuran Fatih Tərimin yetirmələri görüşlərin yalnız üçündə bərabərə qalıblar. Bu gedişlə Türkiyə yığması rekordunu yeniləyə bilər. Bunun üçün “ay-ulduzlular” keçirəcəkləri növbəti beş qarşılaşmada məğlub olmamalıdır.
Avstriya ilə yoldaşlıq görüşü baş məşqçi Fatih Tərim üçün də əlamətdar olacaq. Tərim millinin sükanı arxasında 120-cı matçına çıxacaq.
Bölmənin digər xəbərləri
