Türkiyə və Almaniyanın Xarici İşlər nazirləri Ermənistanın Azərbaycana hücumunu müzakirə ediblər
Ankara, 8 oktyabr, AZƏRTAC
Slovakiyada keçirilən Bratislava Qlobal Təhlükəsizlik Forumu (GLOBSEC) çərçivəsində Türkiyənin Xarici İşlər naziri Mövlud Çavuşoğlu ilə Almaniyanın Xarici İşlər naziri Heiko Maas arasında görüş keçirilib.
AZƏRTAC xəbər verir ki, bu barədə nazir Mövlud Çavuşoğlu “Twitter” sosial şəbəkə hesabında məlumat yayıb. Bildirilir ki, nazirlər ikitərəfli münasibətləri, Şərqi Aralıq dənizi, Liviya məsələsi və Ermənistanın Azərbaycana hücumları ilə bağlı mövzuları müzakirə ediblər.
Nazir paylaşımında, həmçinin vurğulayıb ki, Yunanıstan və Cənubi Kiprin yunan rəhbərliyinin maksimalist yanaşmaları əsasında Türkiyənin Avropa İttifaqı ilə əlaqələrinin pisləşməsinə imkan verilməyəcək.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
