Türkiyədə baş verən yanğın 25 hektar əraziyə ziyan vurub
Bakı, 30 iyun, AZƏRTAC
Türkiyənin Muğla vilayətinin Datça rayonunda baş verən yanğın nəticəsində 25 hektar əraziyə ziyan dəyib.
AZƏRTAC Türkiyə KİV-lərinə istinadla xəbər verir ki, tez bir zamanda alov nəzarət altına alınıb və söndürülüb.
Yanğın yerli vaxtla saat 18:30 radələrində Datça rayonunun Kargı məhəlləsində naməlum səbəbdən baş verib. Muğla Meşə Region İdarəsinə məxsus qruplar yanğına havadan və qurudan müdaxilə etməyə başlayıb. Yanğının söndürülməsinə 6 təyyarə, 10 helikopter və çoxlu sayda yanğınsöndürən maşın cəlb olunub.
Bölmənin digər xəbərləri
