Türkiyədə koronavirusdan üçüncü ölən şəxs təqaüdçü ordu generalıdır
Ankara, 19 mart, AZƏRTAC
Türkiyədə yeni tip koronavirus (COVID-19) infeksiyası səbəbindən üçüncü ölüm halı qeydə alınıb.
AZƏRTAC xəbər verir ki, bu barədə Türkiyənin Səhiyyə naziri Fahrettin Koca sosial şəbəkədə məlumat verib. Nazir bildirib ki, virusdan dünyasını dəyişən üçüncü şəxs təqaüddə olan 79 yaşlı ordu generalı Aytaç Yalmandır.
Qeyd edək ki, Türkiyədə koronavirus infeksiyasından xüsusi rejimli xəstəxanalarda müalicə olunan xəstələrin ümumi sayı 200-ə yaxındır.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
