Türkiyənin bir sıra qəzetlərində Azərbaycan səfirinin Heydər Əliyev haqqında məqaləsi dərc edilib
İstanbul, 13 dekabr, AZƏRTAC
“Türkiyə”, “Yeni çağ” və “Hurriyet Daily News” qəzetlərində Azərbaycanın Ankaradakı səfiri Faiq Bağırovun ümummilli lider Heydər Əliyevin həyat və fəaliyyəti barədə məqaləsi dərc olunub.
Məqalədə Ümummilli Liderin həm sovet dövründə, həm də ölkəmiz müstəqilliyini bərpa edəndən sonrakı dövrdə hakimiyyətdə olduğu illərdə yürütdüyü məqsədyönlü siyasətdən və onun rəhbərliyi ilə bütün sahələrdə görülən quruculuq işlərindən bəhs edilir.
Müəllif yazır ki, Azərbaycan-Türkiyə əlaqələrinin qardaşlıq münasibətləri üzərində qurulması Heydər Əliyevin adı ilə bağlıdır.
Məqalə həmin qəzetlərin elektron versiyalarında da yayılıb.
Sabir Şahtaxtı
AZƏRTAC-ın xüsusi müxbiri
İstanbul
Bölmənin digər xəbərləri
