UEFA Çempionlar Liqası: “Qarabağ” - “Sürix” - 3:1
Bakı, 19 iyul, AZƏRTAC
UEFA Çempionlar Liqasının ikinci təsnifat mərhələsinin ilk oyunları çərçivəsində keçirilən “Qarabağ” - “Sürix” oyununda Ağdam təmsilçisinin heyətində İbrahima Vadji dubl edib.
AZƏRTAC xəbər verir ki, Tofiq Bəhramov adına Respublika Stadionunda oynanılan matçın 66-cı dəqiqəsində İ.Vadji fərqlənməklə “Qarabağ”ın üstünlüyünü möhkəmləndirib - 3:1.
Oyunun 17-ci dəqiqəsində Ağdam təmsilçisinin heyətində Kadi Borges fərqlənib. On doqquz dəqiqə sonra İbrahima Vadji baxımlı qola imza ataraq “Qarabağ”ı hesabda önə keçirib. Qarşılaşmanın 66-cı dəqiqəsində rəqib komandanın heyətində Lindrit Kamberi qol vurub.
Hazırda ikinci hissə davam edir.
"Qarabağ" birinci təsnifat mərhələsində Polşa "Lex"ini iki oyunun nəticəsinə əsasən mübarizədən kənarlaşdırıb - 0:1;5:1. "Şürix" isə avrokuboklarda mübarizəyə bu mərhələdən başlayacaq.
Cavab oyunu iyulun 27-də İsveçrədə keçiriləcək. “Sürix”i üstələyəcəyi təqdirdə, “Qarabağ” UEFA Çempionlar Liqasının üçüncü təsnifat mərhələsində “Ferentsvaroş” (Macarıstan) - “Slovan” (Bratislava, Slovakiya) cütünün qalibi ilə üz-üzə gələcək. Əks halda, Azərbaycan təmsilçisi Avropa Liqasının eyni raundunda “Linfild” (Şimali İrlandiya) - “Budyo Qlimt” (Norveç) cütünün məğlub komandası ilə görüşəcək.
Bölmənin digər xəbərləri
