“UEFA U-17”: A və B qruplarında ikinci turun oyunları keçiriləcək
Bakı, 8 may, AZƏRTAC
Bu gün 17 yaşadək futbolçular arasında Avropa çempionatının final mərhələsində ikinci turun oyunları keçiriləcək.
AZƏRTAC xəbər verir ki, A və B qruplarında yer alan milli komandalar növbəti matçlarına çıxacaqlar.
Ukrayna və Avstriya milliləri arasında oyuna saat 14:00-da 8-ci Kilometr qəsəbə stadionunda start veriləcək. B qrupunun digər oyununda Almaniya komandası Bosniya və Herseqovina millisi ilə qarşılaşacaq. Oyun saat 19:00-da “Dalğa Arena”da başlayacaq.
Millimizin çıxış etdiyi A qrupunun ilk görüşü də Şüvəlanda - “Dalğa Arena”da (15:30) keçiriləcək. Qitə birinciliyinə qələbə ilə başlayan Portuqaliya komandası bu dəfə Şotlandiya millisinə qarşı oynayacaq. Azərbaycan futbolçuları isə saat 19:00-da 8-ci Kilometr qəsəbə stadionunda Belçika komandası ilə qarşılaşacaqlar.
Bölmənin digər xəbərləri
