Ukraynalı yunan-Roma güləşçisi Olimpiadada qazandığı medalı xeyriyyəçilik məqsədilə satmaq istəyir
Bakı, 6 oktyabr, AZƏRTAC
Ukraynalı yunan-Roma güləşçisi Jan Belenyuk (87 kq) Tokio Olimpiya Oyunlarında qazandığı qızıl medalı satmaq və əldə etdiyi gəliri xəstə uşaqlar üçün xeyriyyəçiliyə sərf etmək niyyətindədir.
AZƏRTAC xəbər verir ki, bu barədə o, feysbuk səhifəsində yazıb.
Qeyd edək ki, J.Belenyuk Tokio Yay Olimpiya Oyunlarında Ukrayna komandasının yeganə qızıl medalını qazanıb. “Rio-2016”da gümüş, dünya çempionatında iki qızıl, bir gümüş və bir bürünc, Avropa çempionatında isə üç qızıl və iki bürünc medal əldə edib.
Bölmənin digər xəbərləri
