UKRAYNANIN AZƏRBAYCANDAKI MÜVƏQQƏTİ İŞLƏR VƏKİLİ MƏTBUAT KONFRANSI KEÇİRMİŞDİR
AZƏRTAC xəbər verir ki, mətbuat konfransı oktyabrın 31-də Ukraynada keçiriləcək prezident seçkilərinə və Ukraynanın faşist işğalçılarından azad olunmasının 60 illiyi ilə bağlı tədbirlərə həsr olunmuşdur. İqor Kizima 3 gündən sonra keçiriləcək seçkilər barədə, Mərkəzi Seçki Komissiyası tərəfindən qeydə alınmış namizədlər haqqında ətraflı məlumat vermişdir. Müvəqqəti işlər vəkili bildirmişdir ki, hazırda Ukraynada 37 milyon 613 min nəfər səsvermə hüququna malik seçici vardır.
İqor Kizima Ukraynanın faşist işğalçılarından azad olunmasının 60 illiyi münasibətilə keçirilən tədbirlər haqqında məlumat vermiş, bu işdə Azərbaycan xalqının da əməyinin böyük olduğunu qeyd etmişdir.
Sonda müvəqqəti işlər vəkili jurnalistlərin suallarına cavab vermişdir.
Bölmənin digər xəbərləri
