Ukraynanın ərazi bütövlüyünü dəstəkləməkdə NATO-nun mövqeyi dəyişməyib
Bakı, 16 avqust, AZƏRTAC
NATO Ukraynanın ərazi bütövlüyünü dəstəklədiyini və bu məsələdə mövqeyinin dəyişmədiyini bəyan edib.
AZƏRTAC xəbər verir ki, NATO rəsmisi təşkilatın kanslerlərinin rəhbəri Stian Jensenin Norveç mətbuatında “Ukrayna öz ərazisinin bir hissəsini Rusiyaya vermək müqabilində NATO-ya üzv ola bilər” açıqlamasını şərh edərkən deyib.
“NATO-nun mövqeyi aydındır və dəyişməzdir. Biz Ukraynanın suverenliyini və ərazi bütövlüyünü tam dəstəkləyirik, bunu NATO liderləri iyulda Vilnüs sammitində təkrarladılar. Nə qədər vaxt aparsa da, biz Ukraynanı dəstəkləməyə davam edəcəyik. Biz ədalətli və davamlı sülhə nail olmaqda qərarlıyıq. Sülhün nə vaxt və hansı şərtlərlə əldə olunacağına Ukrayna qərar verəcək. Müharibənin təkrarlanmaması üçün təhlükəsizlik tədbirlərinə ehtiyac olduğu aydındır”, - deyə açıqlamada bildirilib.
Bölmənin digər xəbərləri
