ULU ÖNDƏR HEYDƏR ƏLİYEVİN 14 DƏFƏ BƏRDƏYƏ SƏFƏRİ MƏHƏBBƏTLƏ XATIRLANDI
Görkəmli siyasi xadim, xalqımızın xilaskar oğlu Heydər Əliyevin 1969-cu il iyulun 14-də respublikamızda rəhbərliyə başlamasına həsr olunmuş ümumrayon tədbirində yeni, müstəqil Azərbaycan dövlətinin memarı və qurucusu haqqında ürək sözlərini söyləyən bərdəlilər dahi şəxsiyyətin 14 dəfə Bərdəyə gəlişini iftixar hissilə xatırlamışlar.
Tədbirin iştirakçıları əvvəlcə ulu öndərin abidəsi önünə gül-çiçək dəstələri qoymuş, xatirəsini ehtiramla yad etmişlər.
Bərdə Rayon İcra Hakimiyyətinin başçısı İlham Ağayev dünya şöhrətli siyasi xadim Heydər Əliyevin şərəfli ömür yolundan, xalqımız qarşısındakı misilsiz xidmətlərindən danışmış, rayonun inkişafında böyük öndərin qayğısını diqqətə çatdırmışdır.
Tədbirin sonunda şəhid ailələri və müharibə əlillərinin bir qrupuna qiymətli hədiyyələr təqdim olunmuşdur.
X X X
Ümummilli liderimiz Heydər Əliyevin siyasi hakimiyyətə gəlişinin 37-ci ildönümü Ağdam, Ağcabədi, Yevlax, Tərtər, Beyləqan, Laçın, Xocavənd, Füzuli rayonlarında, Mingəçevir şəhərində təntənəli surətdə qeyd olunmuşdur. Natiqlər ulu öndərin xalqımız qarşısındakı misilsiz xidmətlərindən məhəbbətlə danışmışlar.
Bölmənin digər xəbərləri
