Ulu öndər Heydər Əliyevin xatirəsi Gürcüstan parlamentində anılıb
Tbilisi, 16 dekabr, AZƏRTAC
Azərbaycan xalqının ümummilli lideri Heydər Əliyevin xatirəsi Gürcüstan parlamentində yad edilib.
Gürcüstan-Azərbaycan parlamentlərarası dostluq qrupunun rəhbəri Zurab Tkemaladzenin təşəbbüsü ilə keçirilən anma mərasimində Heydər Əliyevin Azərbaycanın və Gürcüstanın siyasi, iqtisadi həyatındakı xidmətlərindən danışılıb. Bildirilib ki, məhz Heydər Əliyevin gərgin əməyi və səyi nəticəsində hər iki ölkədə irimiqyaslı layihələr icra olunub, infrastruktur yenilənib, xalqlarımızın rifah halı yaxşılaşıb. Bu gün Gürcüstanda həyata keçirilən regional layihələrin əsası da Heydər Əliyev tərəfindən qoyulub.
Qeyd edilib ki, ümummilli lider Heydər Əliyevin xatirəsi illər ötdükcə Azərbaycan xalqı ilə yanaşı, gürcü xalqının da xatirəsində əbədi yaşayacaq.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
