Ümumdünya Şahmat Olimpiadasında Azərbaycan millisindən növbəti qələbə
Bakı, 15 avqust, AZƏRTAC
Niderlandın Eyndhoven şəhərində yeniyetmələrin Ümumdünya Şahmat Olimpiadası keçirilir. Olimpiadada daha iki turun oyunları arxada qalıb.
Bu barədə AZƏRTAC-a Azərbaycan Şahmat federasiyasından məlumat verilib. Bildirilib ki, ikinci turda Azərbaycan komandası Qazaxıstan şahmatçıları ilə heç-heçə oynayıb-2:2.
Üçüncü turda isə yeniyetmə şahmatçılardan ibarət Azərbaycan millisi Bolqarıstan komandasını məğlub edib-3,5:0,5.
Qeyd edək ki, Ümumdünya Şahmat Olimpiadasında 47 ölkədən 63 komanda mübarizə aparır. Azərbaycan komandasında Read Səmədov, Xaqan Əhməd, Cahandar Azadəliyev və Nərmin Abdinova çıxış edir.
Bölmənin digər xəbərləri
