Ümumi orta təhsil bazasında kolleclərə ixtisas seçimi bu gün başa çatır
Bakı, 7 avqust, AZƏRTAC
Ümumi (9 illik) orta təhsil bazasında orta ixtisas təhsili müəssisələrinə (kolleclərə) ixtisas seçimi bu gün saat 23:59-dək davam edəcək.
Dövlət İmtahan Mərkəzindən AZƏRTAC-a bildirilib ki, ixtisas seçiminə qəbul (buraxılış) imtahanında ümumi balı 50-dən, Azərbaycan dili və ya rus dili fənni üzrə balı 20-dən və riyaziyyat fənni üzrə balı 10-dan az olmayan abituriyentlər buraxılır.
Avqustun 7-si saat 09:15-ə olan məlumata görə, 15199 nəfər ixtisas seçimi edib. Onlardan 14855 nəfəri Azərbaycan bölməsi, 344 nəfəri rus bölməsi üzrədir.
Müsabiqəyə qeyd olunan vaxtadək ixtisas seçimi edib ərizəsini təsdiq etmiş abituriyentlər buraxılacaq.
Bölmənin digər xəbərləri
