Ümummilli lider Heydər Əliyev müasir müstəqil dövlətimizin banisi və qurucusudur
Bakı, 13 dekabr, AZƏRTAC
Azərbaycan Əmək və Sosial Münasibətlər Akademiyasında ümummilli lider Heydər Əliyevin əziz xatirəsini anma mərasimi keçirilib.
Əvvəlcə tədbir iştirakçıları Ulu Öndərin xatirəsini ehtiramla yad ediblər.
Akademiyadan AZƏRTAC-a bildiriblər ki, mərasimdə bu ali məktəbin prorektoru Sirac Məmmədov ulu öndər Heydər Əliyevin doğma Vətən və xalq qarşısında əvəzsiz tarixi xidmətlərindən, böyük xilaskarlıq rolundan danışıb. Vurğulanıb ki, dahi rəhbər Heydər Əliyev böyük tarixi şəxsiyyətdir. Müasir, müstəqil Azərbaycan dövlətinin banisi və qurucusudur.
S.Məmmədov ulu öndər Heydər Əliyevin təhsilə daim böyük əhəmiyyət verdiyini, Ümummilli Liderin ideyalarının Azərbaycan Prezidenti İlham Əliyev tərəfindən uğurla həyata keçirildiyini vurğulayıb.
Digər çıxış edənlər də görkəmli siyasi və dövlət xadimi Heydər Əliyev şəxsiyyətinin böyüklüyündən, müstəsna xidmətlərindən bəhs ediblər.
Tədbirdə müdrik siyasətçi Heydər Əliyevin zəngin həyat və fəaliyyətinin ayrı-ayrı məqamlarını əks etdirən film göstərilib.
Bölmənin digər xəbərləri
