Ümummilli Lider Heydər Əliyevin 100 illik yubileyinə həsr olunmuş miniturnir keçiriləcək
Bakı, 19 may, AZƏRTAC
Mayın 26-da AFFA-nın təşkilatçılığı ilə Ümummilli Lider Heydər Əliyevin 100 illik yubileyinə həsr olunmuş futbol üzrə miniturniri keçiriləcək.
AZƏRTAC Azərbaycan Futbol Federasiyaları Assosiasiyasına istinadla xəbər verir ki, Bakı Olimpiya Stadionunda təşkil olunacaq turnirdə 10 komanda - AFFA, PFL, klublar, hakimlər, veteranlar, media, könüllülər, SOCAR, BOS və sponsorlar iştirak edəcəklər.
Komandalar hər birində beş kollektiv olmaqla, iki qrupa bölünəcəklər. Qruplarda birinci yeri tutan komandalar arasında qalibi müəyyənləşdirmək üçün final oyunu baş tutacaq.
Turnirə saat 16:30-da start veriləcək. Final görüşü saat 20:00-da başlayacaq. Matçlar Bakı Olimpiya Stadionunun əsas meydanında keçiriləcək.
Bölmənin digər xəbərləri
