UN-Habitat rəsmisi: Parlamentarilər qlobal hədəflərlə yerli icmaların reallıqları arasında əlaqələndiricidirlər
Bakı, 20 may, AZƏRTAC
Milli qanunvericilik və qlobal mənzil öhdəlikləri mövzusu birbaşa parlamentarilərin əvəzedilməz rolundan xəbər verir. Qlobal gündəliklər və beynəlxalq öhdəliklər yalnız qanunvericilik, hesabatlılıq mexanizmləri və yerli səviyyədə icra vasitəsilə milli prioritetlərə çevrildikdə real məna kəsb edə bilər.
AZƏRTAC xəbər verir ki, bunu BMT-nin Məskunlaşma Proqramının (UN-Habitat) Ərəb dövlətləri üzrə regional ofisinin direktoru Rania Hedeya Ümumdünya Şəhərsalma Forumunun 13-cü Sessiyası (WUF13) çərçivəsində keçirilən “Milli qanunvericilik qlobal mənzil öhdəliklərini real nəticələrə necə çevirə bilər?” mövzusunda parlament üzvlərinin dəyirmi masasında deyib.
O bildirib ki, parlamentarilər təkcə qanunverici deyillər, onlar qlobal hədəflərlə yerli icmaların reallıqları arasında əlaqələndiricidirlər. Onlar torpaq, infrastruktur, mənzil maliyyələşdirilməsi, mülkiyyət hüququnun təhlükəsizliyi, şəhərsalma, iqlim fəaliyyəti və dövlət investisiyaları ilə bağlı siyasətləri formalaşdırırlar.
Bölmənin digər xəbərləri
