Urska Kezmah: Məhkəmə-hüquq sistemində rəqəmsallaşma prosesi sürətləndirilməlidir
Bakı, 18 iyun, AZƏRTAC
Məhkəmə-hüquq sistemində rəqəmsallaşma prosesi daha da sürətləndirilməlidir.
AZƏRTAC xəbər verir ki, bunu Sloveniya Respublikasının Məhkəmə-Hüquq Şurasının sədri Urska Kezmah Bakıda keçirilən Məhkəmə-Hüquq Şurasının fəaliyyətinin 20 illiyinə həsr olunmuş “Məhkəmə idarəçiliyi sahəsində qlobal çağırışlar” adlı beynəlxalq konfransda "Sloveniyada məhkəmə idarəetməsində rəqəmsallaşma problemləri" mövzusunda çıxış edərkən deyib.
O qeyd edib ki, Sloveniya rəqəmsallaşma sahəsində fəallıq nümayiş etdirib. “Ölkədə rəqəmsallaşma baxımından son onilliklər ərzində vacib olan qanunvericilik bazası, elektron baza hazırlanıb. Eyni zamanda, kriminal prosedurların tətbiq olunması, həmçinin məhkəmə qərarının icrası baxımından kifayət qədər müvafiq texnologiyalar yaradılıb", - deyə o vurğulayıb.
Bölmənin digər xəbərləri
