Uşaqların təhlükəli xəstəliklərdən qorunması üçün onları peyvənd etdirmək vacibdir
Bakı, 21 avqust, AZƏRTAC
Ölkədə peyvəndlərlə idarə olunan xəstəliklər qeydə alınmırsa belə, həmin xəstəliklərin mövcud olduğu ölkələrdən gələn xəstələr (gətirilmə hallar) xəstəliklərin alovlanmasına səbəb ola bilər. Uşaqların təhlükəli xəstəliklərdən qorunması üçün onları peyvənd etdirmək vacibdir.
AZƏRTAC xəbər verir ki, bu fikirləri Səhiyyə Nazirliyi Respublika Gigiyena və Epidemiologiya Mərkəzinin direktor müavini Afaq Əliyeva bildirib.
Onun sözlərinə görə, peyvəndlər sayəsində bir çox ölkələrdə poliomielit xəstəliyi mövcud olmasa da bir neçə ölkədə bu xəstəlik qeydə alınır:
“Peyvənd işi zəiflədikdə, gətirilmə hallar nəticəsində xəstəlik yenidən immuniteti olmayan uşaqlar arasında baş qaldırar və alovlanmalara səbəb ola bilər.
Analoji olaraq 2023-cü ilin aprel ayından Azərbaycanda qeydə alınan qızılca alovlanmasını göstərmək olar. Xəstəliyin alovlanması nəticəsində əsasən qızılcaya qarşı immuniteti (peyvəndi) olmayan uşaq və yeniyetmələr yoluxdu. Lakin peyvənddən kənarda qalan uşaqların və böyüklərin peyvəndləməsi nəticəsində xəstəliyin yayılmasının qarşısı alındı”.
Bölmənin digər xəbərləri
