UzA rəsmisi: ATNA-nın praktiki fəaliyyətinin genişləndirilməsi xüsusi əhəmiyyət daşıyır
Şuşa, 14 iyul AZƏRTAC
Ötən müddət ərzində Türk Xəbər Agentlikləri Alyansı regionun aparıcı xəbər agentlikləri arasında peşəkar əməkdaşlığın inkişafı üçün mühüm platforma olduğunu təsdiqləyib. Bu günə qədər əldə olunan nailiyyətlərin qorunub saxlanılması və Alyansın praktiki fəaliyyətinin ardıcıl şəkildə genişləndirilməsi xüsusi əhəmiyyət daşıyır.
AZƏRTAC xəbər verir ki, bu sözləri UzA xəbər agentliyinin Baş redaktor müavini Qayrat Xonnazarov IV Şuşa Qlobal Media Forumu çərçivəsində keçirilən Türk Xəbər Agentlikləri Alyansının (ATNA) İcraiyyə Komitəsinin iclasında deyib.
O vurğulayıb ki, qarşılıqlı etimad, operativ informasiya mübadiləsi və peşəkar həmrəylik dövlət xəbər agentlikləri arasında əməkdaşlığın əsas prinsiplərini təşkil etməlidir.
“Bu baxımdan, bugünkü iclasın gündəliyinə daxil edilmiş məsələlərin aktuallığını xüsusi vurğulamaq istərdim. Alyansa üzv agentliklər arasında informasiya mübadiləsinin gücləndirilməsi, birgə peşəkar layihələrin və tədbirlərin genişləndirilməsi təşkilatın institusional inkişafına, əməkdaşlığın dərinləşdirilməsinə və beynəlxalq informasiya məkanında nüfuzunun daha da artmasına mühüm töhfə verəcək”, - deyə Qayrat Xonnazarov vurğulayıb.
Bölmənin digər xəbərləri
