Vəkilliyə qəbul üzrə şifahi müsahibə mərhələsinin nəticələri məlum olub
Bakı, 18 iyul, AZƏRTAC
Vəkilliyə qəbul üzrə şifahi müsahibə mərhələsinin nəticələri məlum olub.
Bu barədə AZƏRTAC-a Vəkillər Kollegiyasından məlumat verilib. Bildirilib ki, vəkilliyə qəbul üzrə ixtisas imtahanının yazılı test mərhələsindən müvəffəqiyyətlə keçən vəkilliyə namizədlərin peşə yararlılığının yoxlanılması məqsədilə mayın 23-dən iyulun 4-də ixtisas imtahanının şifahi müsahibə mərhələləri keçirilib. Şifahi müsahibə mərhələsində 61 vəkilliyə namizəd iştirak edib.
İmtahanların nəticəsinə görə, Vəkillərin İxtisas Komissiyasının peşə yararlılığına dair rəyini alan 51 nəfər vəkilliyə namizəd icbari təlimə buraxılıb. İcbari təlimlə bağlı namizədlərə əlavə məlumat veriləcək.
Şifahi müsahibə mərhələsini müvəffəqiyyətlə keçmiş vəkilliyə namizədlərin siyahısı qurumun saytında yerləşdirilib.
Bölmənin digər xəbərləri
