Velosiped Federasiyasının yeni prezidenti: Məqsədimiz bu idman növünü ən yüksək zirvələrə qaldırmaqdır
Bakı,5 may, AZƏRTAC
Mənə göstərilən etimadı doğrultmağa çalışacağam.
Bu sözləri AZƏRTAC-a açıqlamasında Azərbaycan Velosiped Federasiyasının yeni prezidenti Zaur Axundov deyib.
O, bu idman növünün inkişafı üçün əlindən gələni edəcəyini bildirib: "Məqsədimiz velosiped idmanını ən yüksək zirvələrə qaldırmaq və Azərbaycan təmsilçilərini beynəlxalq yarışların podiumlarında görməkdir. Turnirlərdə uğurlu nəticələr qazanmaq hədəfindəyik. Bu sahədə olan mütəxəssislərin perspektivliyini artırmaq üçün çalışacağıq. İstəyirik ki, məhz ölkəmizdən bu sahəni bilən və sevən adamlar daha çox olsun. Planlarımız qarşıdadır. Addım-addım bunları həyata keçirməyə başlayacağıq. Velosiped idman növünü populyarlaşdırılmasına davam edəcəyik".
Bölmənin digər xəbərləri
