SİYASƏT
Volodimir Kreydenko: Azərbaycan dövlətinin Ukraynaya yardımları vaxtında və faydalı olub
Kiyev, 19 aprel, AZƏRTAC
Azərbaycan dövlətinin müharibə dönəmində Ukraynaya yardımları vaxtında və faydalı olub.
Bu fikri AZƏRTAC-a açıqlamasında Ukrayna-Azərbaycan Parlamentlərarası dostluq qrupunun həmsədri, Ali Radanın deputatı Volodimir Kreydenko söyləyib.
Deputat deyib: “Rusiyanın Ukraynaya qarşı başladığı müharibə zamanı Azərbaycanın ölkəmizə köməyini hiss etdik. Azərbaycan səmərəli humanitar yardım göstərir, benzin verir. Enerji böhranı olanda biz həqiqətən də dəstək hiss etdik. Verilən generatorlar, transformatorlar enerji sistemimizə genişmiqyaslı hücum zamanı enerji probleminin həllinə böyük dəstək oldu”.
Göstərilən dəstəyə görə Azərbaycan xalqına, Prezident İlham Əliyevə minnətdarlığını bildirən deputat Ukrayna xalqının bu dost münasibəti unutmayacağını vurğulayıb.
Emil Hüseynli
AZƏRTAC-ın xüsusi müxbiri
Kiyev