Volodimir Zelenski: Rusiya ordusu yaydakı hücum planlarını həyata keçirə bilmir
Kiyev, 14 iyul, AZƏRTAC
Rusiya ordusuı bu ilin yayında qurduğu hücum planlarından əhəmiyyətli dərəcədə geri qalır.
AZƏRTAC xəbər verir ki, bunu Ukrayna Prezidenti Volodimir Zelenski Telegram səhifəsində yazıb.
Dövlət başçısı bildirib ki, hərbçilərlə, eləcə də müdafiə naziri Rüstəm Umerovla görüşüb.
"Biz əsas müdafiə bölgələrindəki vəziyyəti Baş Komandan Aleksandr Sırski və Baş Qərargah rəisi Andrey Qnatovla müzakirə etdik. Xüsusilə də, Pokrovsk rayonu, Novopavlovskoye, Zaporojye, Xarkov və Sumı vilayətlərinin sərhədyanı ərazilərindəki vəziyyəti", deyə məlumatda bildirilir.
Zelenski qeyd edib ki, Ukrayna Rusiya Federasiyasının hücum planlarını genişləndirmək niyyətlərini və cəhdlərini görür. Bununla belə, hər bir cəhd Ukrayna hərbçilərinin müqaviməti ilə boğulur. Bundan əlavə, qarşı tərəf öz hücum planlarının gerisində qalır.
"Rusiya ordusu bu yay öz komandanlığının gözləntilərini xeyli geridə qoyub. Bölmələrimiz müharibənin Rusiya ərazisinə keçməsi üçün hər şeyi edəcək. Biz yeni uzaqmənzilli zərbələrimizi hazırlayırıq", - deyə dövlət başçısı bildirib.
Prezident əlavə edib ki, Ukrayna ukraynalılara qarşı hər hücuma “mütləq sərt” cavab verəcək.
Zelenski ayrıca ABŞ prezidentinin xüsusi nümayəndəsi Keyt Kelloqun Ukraynaya səfərinə hazırlığı, o cümlədən silah tədarükü və lazımi müdafiə avadanlığının birgə istehsalının genişləndirilməsi üzrə tərəfdaşlarla işi müzakirə edib.
"Hazırda müdafiəmiz üçün nəzərdə tutulan silahların təxminən 40 faizi Ukraynada istehsal olunur. Bizim vəzifəmiz bu rəqəmi və deməli, dövlətimizin müdafiə müstəqilliyini əhəmiyyətli dərəcədə artırmaqdır. Bu kontekstdə lazımi dəyişikliklər həyata keçiriləcək, xüsusən normativ, maliyyə və kadrlar", deyə prezident fikrini yekunlaşdırıb.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
