V.PUTİN “TEREK” KOMANDASININ FUTBOLÇULARINI QƏLƏBƏ MÜNASİBƏTİLƏ TƏBRİK ETMİŞDİR

27.08.2004 [16:41]
Çap et
A⁺ A^-

AZƏRTAC-ın Moskvadan aldığı xəbərə görə, RF Prezidenti Vladimir Putin Qroznının “Terek” komandasının futbolçularını UEFA Kubokunun təsnifat matçında növbəti qələbə münasibətilə təbrik etmişdir.

Rusiya dövlətinin başçısı gecə Çeçenistan Respublikasının bədən tərbiyəsi, idman və turizm işləri naziri Haydar Alxanova, Çeçenistanın bərpasına nəzarət üzrə İctimai Şuranın sədri Alu Alxanova və Çeçenistan Respublikası hökuməti Baş nazirinin birinci müavini Ramzan Qədirova zəng vuraraq, Qroznı komandasının qələbəsi münasibətilə onları təbrik etmişdir.

Futbol üzrə Rusiya Kubokunun sahibi “Terek” avqustun 26-da səfərdə Polşanın “Lexa” komandasına 1:0 hesabı ilə qalib gəlmişdir. Bu komandaların Moskvadakı ilk görüşü də “Terek”in qələbəsi ilə başa çatmışdır - 1:0.

V.PUTİN “TEREK” KOMANDASININ FUTBOLÇULARINI QƏLƏBƏ MÜNASİBƏTİLƏ TƏBRİK ETMİŞDİR

MÜƏLLİFLƏ ƏLAQƏ

Bölmənin digər xəbərləri