Vüqar Qurbanov: Endokrinopatiyaların erkən aşkarlanması məqsədilə skrininq müayinələr təşkil olunub
Bakı, 17 iyul, AZƏRTAC
Endokrinoloji xidmətə əlçatanlığın təmin edilməsi məqsədilə Respublika Endokrinoloji Mərkəzin tibbi heyətinin rayon mərkəzi xəstəxanalarına xidməti ezamiyyəsi icra edilib.
AZƏRTAC xəbər verir ki, bunu jurnalistlərə Tibbi Ərazi Bölmələrini İdarəetmə Birliyinin (TƏBİB) icraçı direktoru Vüqar Qurbanov deyib.
O qeyd edib ki, 20-si uşaq olmaqla ümumilikdə 50 xəstəyə konsultativ-diaqnostik və müalicəvi yardımlar göstərilib. Endokrinopatiyaların erkən aşkarlanması məqsədilə skrininq müayinələr təşkil olunub: “7 ümumtəhsil müəssisəsində 182 uşaqda müxtəlif patologiyalar aşkarlanıb və onlar sonrakı müayinə və müalicələrə cəlb ediliblər. Uronefroloji, dəri-zöhrəvi, nevroloji xidmətlərin ölkə üzrə təkmilləşdirilməsi ilə əlaqəli fəaliyyət planları hazırlanıb”.
Bölmənin digər xəbərləri
