Xalq öz xilaskarına sevgisini onu Ümummilli Lider adlandırmaqla ifadə edir
Bakı, 12 dekabr, Həsrət Mahmudova, AZƏRTAC
Unudulmaz şəxsiyyət, ulu öndər Heydər Əliyevin xalqımız və Vətənimiz qarşısında xidmətləri o qədər böyükdür ki, xalq öz sevgisini onu xilaskar, ümummilli lider adlandırmaqla ifadə edir.
Bu sözləri Ümummilli Liderimizin məzarını ziyarət etmək üçün Fəxri xiyabana gələn ekologiya sahəsi üzrə məsləhətçi müfəttiş Elnur Babaşlı AZƏRTAC-a müsahibəsində deyib.
E.Babaşlı vurğulayıb ki, xalqımızın rifahı, hər birimizin güzəranı üçün gördüyü işlərə görə Ümummilli Liderimizə minnətdarıq. Onun yenidən siyasi hakimiyyətə gəlişi müstəqil Azərbaycanı iqtisadi böhrandan, ictimai-siyasi həyatda yaranmış dərin tənəzzüldən qurtardı. Ulu Öndər Azərbaycanı parçalanmaqdan xilas etdi, onu sürətli inkişaf yoluna çıxardı. Azərbaycanda bütün sahələrin inkişafı Ümummilli Liderimizin adı ilə bağlıdır.
Bölmənin digər xəbərləri
