XALQA HƏSR OLUNMUŞ ÖMÜR
Tədbirin iştirakçıları abidənin önünə gül-çiçək dəstələri düzmüş, böyük rəhbərin xatirəsini ehtiramla yad etmişlər.
Mərasimdə rayon icra hakimiyyətinin başçısı Oqtay Əliyev “Azərbaycanın inkişaf və yüksəlişində Heydər Əliyev dövrü” mövzusunda məruzə ilə çıxış etmişdir. Məruzədə ümummilli liderimiz Heydər Əliyevin 1969-cu il iyulun 14-də respublikamızın rəhbəri seçildikdən sonra Azərbaycanın kiçik xammal respublikasından böyük sənaye və kənd təsərrüfatı ölkəsinə çevrildiyi xüsusi vurğulanmışdır.
Bildirilmişdir ki, bütün ömrünü xalqının xoşbəxt gələcəyinə həsr etmiş böyük öndərin 1993-cü ildə yenidən hakimiyyətə qayıdışı ilə ölkəmiz dağılmaq təhlükəsindən, xaos və özbaşınalıqdan qurtulmuş, Azərbaycanın beynəlxalq aləmdə nüfuzu artmışdır.
Çıxış edənlər Azərbaycan xalqının xoşbəxt gələcəyini təmin edən Heydər Əliyev siyasi kursunun Prezident İlham Əliyev tərəfindən uğurla davam etdirildiyini vurğulamış, böyük öndərin Azərbaycan xalqı və dövləti qarşısındakı əvəzolunmaz xidmətlərindən söz açmışlar.
Bölmənin digər xəbərləri
