XARİCİ ÖLKƏLƏRDƏ YAŞAYAN AZƏRBAYCANLI ALİMLƏRİN I FORUMU İYUNDA ANTALYA ŞƏHƏRİNDƏ KEÇİRİLƏCƏKDİR
AZƏRTAC xəbər verir ki, xarici ölkələrdə yaşayan azərbaycanlı alimlərin I forumu iyunun 2-dən 10-dək Türkiyənin Antalya şəhərində keçiriləcəkdir.
Xarici Ölkələrdə Yaşayan Azərbaycanlılarla İş üzrə Dövlət Komitəsindən bildirmişlər ki, xarici ölkələrdə fəaliyyət göstərən Azərbaycan diaspor qurumlarının fəaliyyətinin genişləndirilməsi istiqamətində görülən işləri daha da gücləndirmək, keyfiyyəti artırmaq üçün elm adamlarının və yaradıcı insanların da prosesə qoşulmasına ehtiyac vardır. Dövlət Komitəsi ayrı-ayrı kateqoriyadan olan insanlarla, fəaliyyət dairəsi fərqlənən qruplarla belə tədbirlər keçirməklə onları diaspor hərəkatına qoşulmağa sövq edir. Tədbirlərdə bütün fikirlər dinləniləcək və diaspor ilə bağlı görüləcək işlərin konkret istiqamətləri müəyyənləşdiriləcəkdir.
Bölmənin digər xəbərləri
