Xəzər Dəniz Gəmiçiliyi Koronavirusla Mübarizəyə Dəstək Fonduna 500 min manat köçürüb
Bakı, 23 mart, AZƏRTAC
“Azərbaycan Xəzər Dəniz Gəmiçiliyi” QSC (ASCO) korporativ sosial məsuliyyəti çərçivəsində koronavirus (COVID-19) xəstəliyinin Azərbaycanda geniş yayılmasının qarşısının alınması üçün Prezident İlham Əliyevin müvafiq Fərmanı ilə yaradılmış Koronavirusla Mübarizəyə Dəstək Fonduna vəsait köçürülməsi təşəbbüsünə qoşulub.
ASCO-dan AZƏRTAC-a bildirilib ki, Xəzər Dəniz Gəmiçiliyi Fonda 500 min manat məbləğində vəsait köçürüb.
Eyni zamanda, koronavirusla bağlı ASCO-nun struktur idarələrində əməkdaşlar arasında maarifləndirmə tədbirləri davam etdirilir. Həmçinin şirkətdə rəhbər şəxslərdən ibarət qərargah və “qaynar xətt” də fəaliyyət göstərir.
Bölmənin digər xəbərləri
