Xəzərdə nərəcinsli balıqların sayı 10 dəfə azalmışdır
Bakı, 14 dekabr (AZƏRTAC). Xəzərdə nərəcinsli balıqların ovlanması ilə bağlı qadağa haqqında saziş bir il ərzində imzalana bilər. Azərbaycan sazişin bütün detalları ilə bağlı təkliflərini vermişdir. O biri Xəzəryanı ölkələr fikirlərini bildirəndən sonra ümumi rəyə gəlinəcəkdir. Bundan sonra bəzi detalları işçi qrupu işləyəcəkdir.
AZƏRTAC xəbər verir ki, bunu jurnalistlərə Azərbaycan Elmi- Tədqiqat Balıqçılıq Təsərrüfatı İnstitutu direktorunun müavini Tariyel Məmmədli bildirmişdir. Sazişin bağlanması zəruridir. Çünki son 10 ildə Xəzər dənizində nərəcinsli balıqların sayı 10 dəfə azalmışdır.
Azərbaycan yeganə dövlətdir ki, beynəlxalq təşkilatların göstərişi olmadan nərəcinsli balıqların 2 növünün ovlanmasından imtina etmişdir.
Bölmənin digər xəbərləri
