XİN: Ukrayna ilə Azərbaycan arasında dostluq və strateji tərəfdaşlıq münasibətləri mövcuddur
Kiyev, 6 fevral, AZƏRTAC
Ukrayna ilə Azərbaycan arasında gözəl dostluq və strateji tərəfdaşlıq münasibətləri mövcuddur.
AZƏRTAC xəbər verir ki, bu barədə Ukrayna Xarici İşlər Nazirliyinin “Twitter” səhifəsində iki ölkə arasında diplomatik münasibətlərin 29-cu ildönümü münasibətilə yerləşdirilən paylaşımda bildirilib.
“Bu gün biz diplomatik münasibətlərimizin 29-cu ildönümünü qeyd edirik. Ukrayna Azərbaycanla yüksək əməkdaşlıqdan razıdır. İnanırıq ki, Ukrayna və Azərbaycan arasında əməkdaşlıq daha da möhkəmlənəcək”, - deyə XİN-in təbrik bəyanatında vurğulanıb.
Qeyd edək ki, Sovet İttifaqı dağıldıqdan sonra Azərbaycan və Ukrayna arasında ilk diplomatik münasibətlər 1992-ci il fevralın 6-da qurulub.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
