Xocalı faciəsinə həsr olunmuş tamaşa nümayiş etdiriləcəkdir
Bakı, 12 fevral (AZƏRTAC). Fevralın 21-də C.Cabbarlı adına Azərbaycan Dövlət Teatr Muzeyində Xocalı faciəsinin 19-cu ildönümünə həsr olunmuş tədbir keçiriləcəkdir.
Muzeyin və Azərbaycan Müharibə, Əmək, Silahlı Qüvvələr və Hüquq Mühafizə Orqanları Veteranlar Şurasının dəstəyi ilə keçiriləcək tədbirdə Mədəniyyət və Turizm Nazirliyinin təşəbbüsü ilə səhnələşdirilmiş “Xocalı“ tamaşası nümayiş etdiriləcəkdir.
Tamaşa şair Zərəngiz Dəmirçi Qayalının “Cavab ver” poeması əsasında səhnələşdirilmişdir.
Azərbaycan Dövlət Musiqili Komediya Teatrının nəzdində fəaliyyət göstərən “Günay” Uşaq Teatrı və “Aytam” Uşaqların Mədəni Maariflənməsi İctimai Birliyi üzvlərinin ifasında nümayiş etdiriləcək tamaşanın bədii rəhbəri və rejissoru Larisa Tarusova, baletmeysteri Günəş Talıblı, məsləhətçisi Aygün Zamanlıdır.
Bölmənin digər xəbərləri
