Yaponiyada doğum səviyyəsi rekord səviyyədə aşağı düşüb
Bakı, 31 avqust, AZƏRTAC
Yaponiyada doğum səviyyəsi ilin birinci yarısında rekord aşağı səviyyəyə düşüb.
AZƏRTAC xəbər verir ki, bu barədə Səhiyyə, Əmək və Rifah Nazirliyinin məlumatında bildirilib. Qeyd olunub ki, yanvar-iyun aylarında ölkədə 350 mindən bir qədər çox uşaq doğulub. Qeydə alınan rəqəm 2023-cü ilin eyni dövrü üçün qeydə alınan səviyyədən 21 min uşaq (5,7%) azdır.
Artıq üçüncü ildir ki, ilin birinci yarısında doğum səviyyəsi 400 min uşaqdan azdır. Yanvar-iyun aylarında bu rəqəm 1969-cu ildə statistika başlayandan bəri ən aşağı göstəricidir. Bu temp davam edərsə, bütün il üçün doğum səviyyəsi də rekord səviyyədə aşağı düşəcək.
Bölmənin digər xəbərləri
