Yeddi ayda “Azəriqaz”a 7 minə yaxın müraciət daxil olub
Bakı, 4 avqust, AZƏRTAC
Azərbaycan Dövlət Neft Şirkətinin (SOCAR) “Azəriqaz” İstehsalat Birliyinə bu ilin yanvar-iyul ayları ərzində müxtəlif instansiyalardan və birbaşa vətəndaşlardan ümumilikdə 6936 müraciət daxil olub.
AZƏRTAC xəbər verir ki, bu barədə “Azəriqaz”ın Şikayətlərin araşdırılması şöbəsinin rəisi İbrahim Kərbalayev “Açıq qapı” aksiyasında bildirib.
O qeyd edib ki, daxil olan müraciətlərin sayı 2022-ci ilin eyni dövrü ilə müqayisədə 296 müraciət azdır. Bunlardan 3231 müraciət “Opentext” proqramı vasitəsilə, 3705 müraciət isə elektron formada daxil olub. Daxil olan müraciətlər əsasən təbii qaza görə yaranmış borcun araşdırılması, fərdi qaydada evlərin, kənd və qəsəbələrin qazlaşdırılması, sayğacların quraşdırılması, həmçinin qaz xəttinin və ya qaz sayğacının yerinin dəyişdirilməsi və sair məsələlərlə bağlı olub. Bütün müraciətlər şöbə tərəfindən araşdırılır və cavabladırılır.
Bölmənin digər xəbərləri
