Yeganə Hacıyeva: Fransa quldarlığın hələ də davam etdiyi ölkələrdən biridir
Bakı, 6 iyul, AZƏRTAC
Müstəmləkəçilik, sadəcə, əvvəlki dövrlər kimi quldarlıq, resursların ələ keçirilməsi qismində deyil, həmdə düşüncə kimi çıxış edir. Quldarlıq bəşəriyyətin qara üzü kimi 100 il bundan əvvəl ləğv olunub. Lakin adının dəyişməsi onun mahiyyətini dəyişməyib. Təəssüf ki, bu, bir sıra ölkələrdə davam edir. Bunlardan biri də Fransadır.
AZƏRTAC xəbər verir ki, bunu Qoşulmama Hərəkatının “Müstəmləkəçiliyin tamamilə aradan qaldırılmasına doğru” mövzusunda keçirilən tədbirdə Gənc Demokratlar İnstitutu İctimai Birliyinin sədri Yeganə Hacıyeva söyləyib.
O bildirib ki, planetin resurslarla bol qitəsi olan Afrika BMT Təhlükəsizlik Şurasının üzv ölkələrindən bir neçəsinin “resurslar bostanı” kimi çıxış edir. Talanma prosesi bu gün də davam edir. Uzun illər bu resursların talanması ilə bağlı BMT Təhlükəsizlik Şurasının digər üzvlərinin səsi eşidilməyib. Onlar bu resurslardan, sadəcə, pay istəyiblər.
Qərb üçün maliyyənin birinci sırada olduğunu qeyd edən Y.Hacıyeva quldarlıq dövründə xalqların yaşadığı əziyyətlərin maddi tərəfinin onların bu gün toxunduğu əsas məqamlardan biri olduğunu deyib.
Bölmənin digər xəbərləri
