Yeliz Berxt: Mənzillərin bərpası həm də insanların rifahı və ləyaqəti ilə bağlıdır
Bakı, 21 may, AZƏRTAC
Ümumdünya Şəhərsalma Forumunun 13-cü Sessiyası (WUF13) çərçivəsində keçirilən “Xarkovda şəhər bərpası: Evlərin və gələcəyin yenidən qurulması” tədbirində Xarkov şəhərinin timsalında Ukraynada şəhər bərpası və mənzil təminatı məsələləri müzakirə olunub.
AZƏRTAC xəbər verir ki, Almaniyanın İqtisadi Əməkdaşlıq və İnkişaf üzrə Federal Nazirliyinin nümayəndəsi Yeliz Berxt çıxışında Ukraynanın mənzil sektorunun müharibə nəticəsində ciddi zərər gördüyünü və mənzil fondunun təxminən 14 faizinin dağıldığını və ya zədələndiyini bildirib.
O qeyd edib ki, mənzillərin bərpası yalnız infrastruktur məsələsi deyil, həm də insanların rifahı, ləyaqəti və şəhərlərin gələcəyi ilə bağlıdır. Almaniya bu sahəni Ukraynanın yenidən qurulmasının əsas istiqamətlərindən biri hesab edir, daha təhlükəsiz, yaşıl və inklüziv şəhər mühitinin yaradılmasına dəstək verir.
Çıxışda vurğulanıb ki, Xarkov şəhərində həyata keçirilən pilot layihələr müasir və enerji səmərəli mənzil modellərinin yaradılmasına yönəlib və bu yanaşmanın gələcəkdə ölkə üzrə geniş tətbiqi planlaşdırılır.
Müxbir – Elgün Niftəli
Bölmənin digər xəbərləri
