Bakı, 31 avqust, AZƏRTAC

Yəmənin Ədən şəhərində yanacaqdoldurma məntəqəsində partlayış olub.

AZƏRTAC xəbər verir ki, bu barədə “RİA Novosti” məlumat yayıb.

Hadisədə üç nəfər ölüb, 15 nəfər isə yaralanıb. Zərərçəkənlər Əl-Cumhuriya, Əl-Əmirki, Əl-Bureyxi və Əl-Vali xəstəxanalarına göndərilib.

Qeyd olunur ki, şəhərdəki stansiyalardan birində məişət qazı çəni partlayıb, bundan sonra yanğın başlayıb.